Богоматерь Овиновская

Ныне вновь обретенная Овиновская икона находится в возрожденном Успенском Паисиевом Галичском (женском) монастыре; желающие могут ей поклониться.

По благословению Архиепископа Костромского и Галичского Александра начата полиграфическая печать Овиновской иконы.

Итак,

Раздел я предваряю старейшим из найденных мною списков “Сказания об образе Богоматери Овиновской…”, хранящимся в НИОР РГБ, (собр.рукописей Тихонравова, ф.299 ед.57, стр. 34-60).

ст.1.

“Сказание о чудотворном образе Богоматери Овиновския иже явися во граде Галиче” (фрагмент “Жития прп.Паисия Галичского Чюдотворца” из Галичского рукописного сборника сер.-кон. 17в. (сборник дефектный, начало и часть листов в середине утрачено)

“…Богоматере и заповедаше тебе воздвигнути / Церковь во имя Божия Матере, честнаго и славнаго / Ея Успения: на оном месте, идеже был Храм Угодника Христова Великаго и преслову / щаго в чюдесех Святителя Николая Мирли / кийскаго. Иоанн же от многаго страха и / ужаса не моги отвещати им ни единага / словесе: но егда сия услышав, тогда / прежде бывый страх с радосте смясив, / пад поклонися образу Божия Матере и приим / ю от рук их, внесе в монастырь и постави / на уготованном месте, идеже хотяше / основатисяся Церковь. и рече игумену и братии, / и всему ту сущему народу: отцы святии / и братия, сию икону Божия Матере от родите / лей жены моея Два отрока принесоша / ми. Повелевающе у вас во обители /

воздвигнути Церковь . во Имя Пречистыя / Богородицы, честнаго и славнаго Ея Успения, на том / месте, идеже был храм Николая Чюдотво / рца. Мене же в той час объят страх / велий, и есмь во ужасе велице и доселе и не / воззвах юношей тех в дом свой, Дабы / в дому моем хлеб яли и от труда почивали. / Обаче помышляе быти им в дому моем, / у супружницы моея. Сия ему глаголещу: / И се придоша из дому его отроцы его, он / же вопроси их, видесте ли дву юношей / от родителей жены моея пришедших: / они же рекоша ему: мы господине из дому твоего / во след тебе идохом, и никого же сретохом, / ниже кого видехом. Иоанн же удивлся / о сем, и недоумеващеся: обаче не емляще / веры отроком своим, мняще бо их /

лжещих, возвратися из манастыря в дом / свой, не помедлив нимало. Идяше же / путем быстро зело хотящи скорее / уведети о юношех тех. Пришедши / же в дом свой вопроси жену свою / о юношах тех глаголещи: Приидоша ли / семо Два отрока от родителей твоих. / Она же отвеща ему, ни господине мой, невидех / никогоже, ниже слышах о сем от кого, / точию от уст твоих в сий час слышу. / Иоанн же зазрев себе во уме своем, / глаголещи: согреших пред юношами оными, / понеже не воззвах их в дом свой, и сего / ради разгневашася на мя, и в дом мой / не внидоша. Мняше же их воистинну / от родителей жены своея пришедших, / и сего ради повеле отроком своим сести / на кони, и скоро гнати по всем путем, / дабы постигнути их, и возвратити в дом его. /

Отроцы же по повеления господина своего в той / час вседше на кони, и скоро гнаше по всем / путем. Многих же на путех сретоша, / и постигоша, вопрошающе о юношах тех. / Но ни от когоже возмогоша уведети о них. / Вси бо глаголаху им, яко никого же видехом. / Како бо хотяху постигнути, иже яко мо / лния во едино мегновение (184*) ока с небеси на землю / снисходят, и от земле паки на небо восходят. / Их же огнеобразный лица зрак, не мо / гут зрети светии: то како хотяху видети / недостойнии суще таковаго видения. / Болярин убо их аще и достоин бысть / видети, к нему бо и послани быша от Царя / небеснаго: обаче и сей видев их ужасеся / толико, яко от страха и ужаса бысть / аки во изступлении ума. Сим же не достой / ным сущим таковаго видения, аще / бы видети случися: тогда бы со зраком /

не точию ум погубили, но и живота бы / отщетилися. И сего ради Не сподобишася / таковаго видения. Вотщи к господину своему / возвратишася: Поведающа яко немогоша / нигде же обрести их. Тогда Иоанн / разуме, яко юноши они аггли суть, и / послани быша к нему от бога, возвестити / принесением образа г.Божия Матере, и самыя / Царицы небесныя и земли, во обитель ону при / шествие, …?…(имеять?- неразб.) Ея хотящуе быти от образа / онаго многим человеком: Прослезися велми, / и со многим от очей своих слез излиянием, / многое от уст своих благодарение ко Всеве / ликому Богу, и ко Пресветей Богородице на мног / час возсылаше. Потом повеленному / агглами делу прикоснуся, и вскоре во оби / тели оной церковь древяну воздвиже, во / Имя Пречистыя Божия Матере Честнаго и славнаго / Ея Успения: и образ оный иже от рук /

агглских прият внесе в церковь. От вели / кое Божие милосердие к роду Християнскому. От не / го неизглаголанная и несказанная благость. На / чаша бо от образа Пресвятыя Богородицы бывати / многая чюдеса, от единаго точие прикоснове / ния: аще кто с верою пришед прикоснется / тому пречюдному <не точие человеком но> / и ангглом говеемому образу. Слепым убо / очеса отверзашася, и ясно зрение устрояше / ся. Глухим слухи разверзашеся, и слы / шание подавашеся. Разслабленым / жилы укрепляхуся: Нечистии дуси от человеча / рода изгоняхуся, и отвергаху: Хромии / хождаху, (немии глаголаху) <по писанному, тогда скочит / хромый яко елень, и ясен будет язык / гугниваго> Сляченныя распростирахуся, / и всякий недуг от человек отсташе, и всяка / язя в людех изцеливашеся. И бе видети / тогда в людех радость велию, и веселие /

неизглаголанное, и от уст их благодарение / исхождаше. вси бо благодаряху и славяху / бога яко посети бог людей своих, и дарова / целебный источник присно текущ, икону / Пречистыя своея Богоматере. Сие же новое / и преславное чюдо, яже же сотвори бог иконою / Пречистыя своея Г.богоматере. Не можаше / утаитися во угле едином, сиречь во / единем граде: Но во вся грады и страны / Християнския, найпаче же в росийских стра / нах. Яко крилами несими, благочести / вых людей устами промчеса. То слы / шавше благороднии Князи, и боляре и велмо / жи, и все православное християнское мно / жество. Начаша изо всех градов росий / ских стицатися: Ови убо желающе / видети и лобызати оный чюдотворный / от бога посланный образ. Ови же носяще / с собою недужныя своя ищуще здравие /

улучити, от сего приснотекущаго источника, / еже и приимаху. Ибо от всякаго недуга, и / от всякия язи, приемлюще исцеление. / И таковое преславное и предивное и преве / ликое Г.божие милосердие, так же и Божия Матере / милость и чюдеса видяще, устроиша ве / нец к чюдотворному образу, и мониста / златы ко оному прикладаху, так же / и сребрены безчисленное множество (185*). Игу / мен же и братия видяще, яко мониста /

оны множахуся зело: повелеша их / класти в ларцы ради соблюдения. Наро / ди же найпаче прилагаху, елико сила / кому бе яше. И от того времяни, она / Богородична икона, прозвася Овиновская. / Обитель же она от того времяни нача зва / тися Успенская, а не Николаевская. /

О черном священнице Иакове, како во / время пожару, икону Божия Матере из церкве / сквозь пламень изнесе, и неврежен / бысть от огня, силою Богородичною /(красные строки)

Видев убо Бог велию веру людей своих, / яко с велиею верою притекають ко образу / Пречистыя Его Богоматере. восхоте новое / некое чюдо сотворити, от преди реченнаго / чюдотворнаго образа Пречистыя своея / Богоматере, и обитель Ея боле про / славити, Еже и бысть. Летом убо / некиим по принесении того образа ми / нувшим, попущением Божиим заго / реся она церковь, юже созда выше по / мяненный болярин Иоанн Овин, / во имя Пресвятыя Богородицы честнаго и славнаго / Ея Успения. Понамарь же в то время / необретащуся во обители, изшел бо /

бяше потребы ради своея, и церковныя / ключи с собою изнесе. (186*) Пламени убо отвсюду / церковь окружившу. священник тояже / обители имянем Иаков, держа чреду / неделную, ревностию велиею разжегся, / найпаче же любовию еже к чюдотворному / образу Пречистыя Богоматере, и всю свою / надежду на саму Богоматерь возложив, / взем бервно, и разбив двери церковныя / сквозь пламень вниде в церковь, и чюдо / творную ону Пречистыя Богородицы икону взем / изнесе из церкви сквозь пламень. О пре / великия Божие милосердие и Пречистыя Богородицы чюдо / творение: Ибо яко же древле в пустыни, / виде Моисей купину огнем палиму / и несгараему, тако и зде. Церковь убо сга / раще, а человек плотию обложенный, сквозь / пламень хождаше, и на руках своих / чюдотворный образ ношаше. Но аще /

огнь по естеству своему и сожигателен / есть: обаче якоже древле в вавилоне божия / снисхождения устыдеся, и трием отроком / в огнъ вверженым неприкоснуся (187*). сице и зде: / видев своего содетеля, на руку Пречистыя / Его Богоматере воображение, устыдеся / и не прикоснуся оному чюдотворному образу / нимало. Ниже носящему образ той / иерею смеяше прикоснутися, видев / его еже по Бозе ревность. Изыде убо / иерей ис пламене, ничим же неврежден, / ниже влас главы его опален бяше. / Но аки древле трие отроцы посреде / пламене веровавшия, неопалишася: / тако и сей иерей веровав неврежден / бысть. Сребро и злато, иже от чюдо / творного образа венец и цата и гри / вны, от нестерпимаго пламене все розлия / шася в малыя части, не могуще стерпети /

от пламене онаго: А руце носящаго нечеша / болезни. Такожде идуше имея на себе / воображение Господа Бога Творца и соде / теля всяческих, и его Пречистыя Богома / тере: таковый пламень претерпе и неопа / лися, и вапы ничтоже пострадаша. / И то убо неудивится сему но тому / преславному чюдеси: древо не опалися: / а сребро и злато растопися, руце же де / ржавшаго нечеше горячести . И бысть / чюдо преславно, и удивително всем / слышавшим сия: Пронесесе же / чюдо сие в слухи благочестивых народов / вскоре, они же слышавши сия, найпаче / притекаху во обитель Пречистыя Бого / матере, и от чюдотворныя оныя иконы / изцеление недугом, и здравие телесем / неоскудно приимаху.

Великий Князь Димитрий Иоанновичь Мо / сковский, и вся Русий, ради же пресла / вныя победы своея над нечестивым / Мамаем, зовомый Донской, раздели / детем своим городы. Сыну своему / болшому Князю Василию Димитриевичю / Великое Княжение Московское дарова. / Другому сыну своему Князю Георьгию Дими / триевичю, Галич, Звенигород, Русу, / Выш город с волостьми и со всеми / пошлинами. Третьяму сыну своему Князю / Андрею Димитриевичю, Можаеск. / Четвертому сыну своему Князю Петру Ди / митриевичу, город Дмитров. /

И благослови их рек: Чада моя во / злюбленныя, се ныне даровах коемуждо / от вас особый удел. Будите же / вы доволни кийждо своим, а чюждаго / не желайте якоже Каин, и сродник / наш Святополк (188*). Ниже един на / единаго вооружайтеся, между же / себе любовь имейте, мир храните,/ и мир божий да водворяется в серцах / ваших. Аще же слово мое сие соблю / дете, буди над вами мир, и благо / словение божие и милость. Аще же сия / моя словеса презрите, и между себе / в любви не имате пребывати, и будете / желати или похищати чюждаю, или / един на единаго вооружатися: тогда / месть от Г.бога приемлете, якоже и вси / в прежде бывших родех преслушавшии / повеления отча пострадашаних. И тако /

Поучив их преставися в лето 6897 / месяца мая в 9. Сын же его Князь / Великий Василий Димитриевичь, по смерти / отца своего Великаго Князя Димитрия Ива / новича, приим Великое Княжение Московское, / и нача княжити на Москве. А брат его / Князь Георьгий Димитриевичь, пойде на / свой удел в Галич, оттоле нача кня / жити в Галиче. Между же собою Великий / Князь Московский Василий Димитриевичь, / з братом своим Князем Георьгием / Димитриевичем Галическим велию любовь / имеюща, (189*) и тщахуся исполнити заповедь / отца своего Великаго Князя Димитрия Ива / новича: Не желающе чюждаго, но своим / кийждо удовляшеся. В лета же 6933 / февраля в 7 преставися Великий Князь / Василий Димитриевичь Московский. Кня / жил на своем княжении тридесят пять /

лет и десять месяцов и восмь дней. / На Великом же Княжении Московском / седе сын его Великий Князь Василий Василь / евичь. И того ж лета Преосвященный / Фотий митрополит Московский, ходил / в Галич ко Князю Георьгию Димитрие / вичу, и благословил землю Галическую. (190*) / Князь же Георьгий Димитриевичь, зело во / зрадовася о пришествии Преосвященнаго / Фотия митрополита, понеже прежде его / никаков Святитель в Галиче не бывал. / Сей же Великий Святитель, пришествием / своим возвесели благовернаго Князя Георьгия / Димитриевичя, и всю страну его, понеже / благословение дарова ему, и всей земли/ Галической;/

В лето мироздания 6937 (написано буквами), не / ведомы каковыя ради вины, (191*) обаче мню / яко по Божию попущению за грехи наша, / Великий Князь Василий Васильевичь Мо / сковский, со многими силами своими, по / йде на своего дядю на Князя Георьгия Ди / митриевича Галическаго, и град Галич / первой, что был на реке Чолсме взя. / Тогда же взя и чюдотворную икону /

Пречистыя Б-цы, зовомую Овиновскую, со зла / тою утварью, о ней же выше слово предло / жихом, ияже два аггла принесоша к бо / лярину Иоанну званием Овину. И при / несе образ той к Москве, и постави его / в Соборной церкви, и заключив двери, / утверди замками и печатьми, и стражей / пристави, да будет храними ияко же / пленница. От долготерпения Божия: / О смирения Божия Матере, како убо иже / Адама и Еву от ада свободи и ныне образу / своему в затворе быти попусти: иже / хранит весь род Християнский от от всякия / беды и напасти, тоя образ ныне храним / бяше и стерегом от чеповек смертных. / Иже ключи девства соблюдает, тоя / самыя образ ныне заключен и удержан / хощет быти. И сия вся видев ужа / саетмися ум, и трепещет мое серце, /

и недоумением содержим есмь. Како / Венцем и диадимою церковью украшенный, / и на престоле Великаго Княжения росийскаго / посажденнный, и многим народом судити / вправду устроенный, неправеден суд / полагает, и насилием хощет удержа / ти неудержанное. Обаче Господь наш Иисус / Христос, видев сего неправосудие, яко / хощет удержати, его же не может: / Обличи его сицевым образом. Егда / убо Великому Князю Василию, и боляром / его церковныя двери утвердившим, / якоже выше рехом, самим же отше / дшим комуждо восвоя си. О пресла / вному чюдеси, стражем убо стерегущим, / и всю нощь бдящим, образ той чюдо / творный невидимо ис церкви изыде, / и тоя же нощи обретеся в Галиче выше / реченней обители. в церкви честнаго /

и славнаго Успения: Стражем же неведу / щем о сем. Во утрий же понамарь / обители тоя иде во церковь хотя возжещи / свещи ко утреннему пению; и егда двери / церковныя отомкнув вниде в церковь. О чю / до преславное, и умом человеческим непости / жимо, превыше бо ума человеча содеяся. / Воззрев убо понамарь на место идеже / чюдотворный образ стоял бяше первее, / по взятии же его изо обители Великим Князем. / Оно место праздно бяше: и виде на том / месте чюдотворный образ Пречистыя / Богоматере, его же отчаял уже бяше ви / дети. Тогда объят его страх и ужас, / и недоумевашеся како обретеся образ / той в церкве. И в таковом страсе и в ужасе / был, притече ко игумену поведающи / о сем. Игумен же слышав сие новое/ и преславное чюдо, вскоре повеле понамарю/

во вся камбаны (192*) ударити: дабы братия / и вси сущии во обители, стицалися на / преславное оное видение. Понамарь же / по повелению игуменову, вскоре во вся / тяжкая ударившу. Игумен же востав / вслед понамаря во святую церковь течаше, / дабы ему яко предводителю душ первее / подначальствуемых, видети оное пресла / вное видение, и явитися чюдотворному / образу Божия Матере. Достиг же в церковь, / и видев чюдотворный оный образ, / пад пред ним на землю, многи слезы от очию /

своею изливая, и не точию лице свое, но / и землю на нем же месте лежаше слезами / своими омокая глаголаше: Благодарю тебе, / О Пренепорочная Дево, небеснаго царя и Владыки / всяческих Мати: Яко не оставиша еси / нас окаянных во веки. Но благоволе / нием Сына Твоего и Бога нашего, благоизволила /

образ твой сей честный, вскоре во оби / тель свою возвратити, и нашему зре / нию насыщатися сим даровала еси. / Как же приникнувше желают зрети / чины аггельстии, сего нас невозбранно / зрети сподобила еси. Кое же тебе благо / дарения за сие принесем, или кия похва / лныя песни воспоем, недоумеваюся, / и умом ужасаюся: Понеже ум наш / не может похвалитися, по достоянию, / ниже уста наша извитийствовати / что могут. Но точию един Архаггль / ский глас от чиста серца вопием ти, / радуся, Благодатная, Господь с тобою, бла / гославенна ты в женах, и благославен / плод чрева твоего. Сия и иныя мно / жайшая благодарения от уст своих / на мног час возсылаша, Дондеже / братия снидошася во святую церковь. /

Слышавша убо братия необычное во вся ка / мбаны ударение, вскоре снидошася в церковь, / и видевше Пречистыя Божие Матере на…?… / воображенный лица зрак, его же вмале / лишишася, многия радости наполнишася, / и многи слезы от очию своею испущаху, / и что не глаголаху, каких похвал от уст / своих невозсылаху, кий ждо противу / силы своея, елико кому дух святый / дарова. И сотвориша праздник велий / в той день, и вси сущии во обители, и / окрест живущии людие, слышавши сие / новое и преславное чюдо, стицахуся во оби / тель, хотяще зрети, его же вмале / лишишася. и бысть во всех людех / радость и веселие неизглаголанное. / Прочее же молю вас, не зазрите худо / умию моему, яко продолжих слово о сем: / ныне прииде ми время на предлежащее /

возвратитися. Точию молю и миль сиа (?) / дею, да не отягчатся слухи ваша про / должением беседы сея: Но с любовию / приклоните уши ваша во глаголы уст / моих. Великий убо Князь Василий, егда / заключи в церкви Святую и чюдотворную / ону икону, и замки и печатьми утве / рдив, и стражи приставив, отъиде /в полаты своя: и ту нощь спя, о бывшем / же чюдеси ничтоже сведый. Во утри / же день всем боляром его собра / вшимься к нему, востав пойде к це / ркви иде же затворена бяша Богороди / чна икона. и приступив к дверем / виде замки и печати целы, повеле / отомкнути. Оттворенным же бывшим / дверем внидоша в церковь, и невидеша / оныя чюдотворныя иконы на месте / оном идеже бяше поставили. По /

всей же церкви обыскавше, и не обретоша, / во мнозе унынии и сетовании им бывшим / и недоумевающимся о сем. Тогда вложи / бог в серце Великому Князю, иже послати / во град Галич, и во обители оной откуду / же оная икона взяти бысть, истытати / о ней, нет ли тамо обрящут ю. Вскоре / убо по повелению самодержца, посланнии / постигоша град, и обители дошедше, / со всяким прилежанием испытоваху. / Игумену же и братии первее хотящим / утаити от них, глаголаша к посланным. / что искушаете нас убогих монахов, / и хощете оболстити ны. Или паки Князь / ваш грядет семо, всеконечно разорити / обитель сию, и оставшия святыя иконы / пленити, или раскаяся о сем яко остави / нас жити, и сего ради посла вас, во / еже бы посещи нас. ведите убо /

о братие, яко мы умрохом мирови, / живем же Христови. И аще от силныя / самодержавнаго руки и побиены будем, / несть нам попечения о сем. Аще бо / живем, Богови живем, а не вашему / Князю. Аще ли умрем, Христови умрем, / его же ради мир и вся яже в мире / оставихом, и вслед его идохом, / с ним же и по умертвии надеемя / жити, во дворех его небесных. Вы же / повеление самодержавнаго исполняйте, / и на неже пришли есте творите. Да не / како умедлившим вам, прогневается / на вас Князь ваш, и повелит самих / вас посещи, и будете сами себе убиту. / Сия словеса от игумена и братии онии / посланницы слышавше, многи слезы от очию / своею изливаху, и к ногама игуменова / припадающе глаголаху. Ни отче святый, /

не сего ради приидохом еже бы посещи / вас, или обитель вашу разорити. /

Но вопросити вас о чюдотворней иконе / Божия Матере повелено есть нам, ею же / мало пред сим взя из обители вашея / самодержавный Князь. И поведаху игу / мену и братии вся збывшаяся, Како / ону икону Великий Князь в церкве поста / ви, и замки и печатьми утверди, и стра / жи пристави, и како оная икона во утрие / не обретеся в церкви, но невидимо тоя же / нощи изыде. Князь же Великий зело / печален бысть о сем, яко лишением / таковаго чюдотворнаго образа ..?.. опечали, / себе же не получи радости нималыя, то / тию грех на душу свою привлече. И сего / ради во мнозе унынии и сетовании / пребывает, донде же мы возвратимся. / И аще обрящем оную икону, и приидем /

К нему радость носяще, си есть обрете / ние возвещающе, то велмы яко / печаль его на радость преложится. / Аще ли же тщи возвратимся, то / сугубая печаль ему будет. Игумен / же видев их кротость, и душевное / умиление, и глаголы плачевныя от них слы / шав, помысли в себе глаголя: Како аз / убогий хощу утаити сие преславное чюдо, / еже бог яве всем сотвори. Аще / убо самодержавный Великий Князь и паки / пленит чюдотворный образ, силен / есть бог и паки возвратити его / к нам. Сия своя помышления возве / сти всея братии, и тако совещавшеся / з братиею, возвестиша оным посла / нником о чюдотворной иконе Божия / Матере, в кое время обретеся у них / во обители, во своей ея церкве /

никому же ведущим, и введоша их / в церковь, они же видевше чюдотворный / той образ, радости исполнишася / от обретения его. И вскоре возвратвшеся / поведоша Великому Князю вся, якоже / видеша и слышаша. Князь же Великий / Василий, слышав сия зело возрадо / вася, яко обретеся оно многоценное / сокровище, его же мняше изгибша. / Желаще же дабы сподобится ему паки / видети оный чюдотворный образ, и о согре / шении своем еже дерзновенно содея при / нести покаяние. Но не благоволи Г.бог сему быти. / Точию новонаписанный (с онаго чюдотворнаго) / Пресвятыя Б-цы образ сподобися видети (193*), / о нем же Г.бог хотящу нижае слово / предложити имам. /

По взятии града Галича, от Великаго Князя / Василия Васильевича, и по вышеявле / нном от образа Божия Матере чюдеси. / Того же 6937 лета: Князь Георгий / Димитриевичь Галический, преставися / на Москве, а княжение свое Галическое / вручил сыну своему Князю Димитрию Геор / гиевичю Меншому. Како же Великий / Князь Георгий Димитриевичь к Москве / прииде, во время ли взятия града Галича / Великим Князем Московским пленену / ему сущу: или по взятии града и аковым / любо образом прииде, о сем мы в Гали / ческих древних летописцех не обрето / хом /

Точию мы едино обретохом, егда / приим власть Галическую Князь Димитрий / Георгиевичь, тогда постави новый град / Галичь над озером над посадом. Велию / же веру стяжа ко Пресвятей Б-це, и часто / во обитель Ея к чюдотворному образу <иже / зовомый Овиновский> прихождаше, которая / обитель бяше в вотчине преди реченнаго / болярина Иоанна Овина. По смерте же / Иоаннове, вотчина та досталася внуку его / именем Димитрию Иванову сыну по реклом / Ярцову з братом Евстафием. Но сей Евста / фий несовершен ум имеяше, Димитрий / же аще и здрав разум имея, обаче не / имеюще чад в наследие рода своего. По / некоем же времяни, предиреченный Ди / митрий в болезнь велию впаде. То слыша / вше Князь Димитрий Георгиевичь Галический, / и игумен Паисея вышереченныя обители /

Овиновския, приидоша посетити онаго / Димитрия Ярцова. Игумен же преподобный / Паисий, видев онаго Димитрия Ярцова, / вскоре хотяща от жития сего отити, провиде / бо духом святым, рече к Димитриеви: / О чада мое духовное Димитрие, вижду / аз яко болезнь твоя тяжка зело, / и мию яко вскоре позван будеши, пред лицем / нелицемернаго судии владыки нашего бога. То / чию сего не вем, в кий час смерть по / стигнет тя, утаил бо есть сия / от нас владыка наш и бог. Час же смертный / яко тать приходит, не предсылает / вестника пред собою: и сего ради единоча / дый сын слово отчее, Господь наш Иисус Христос, / в присутствии своем на землю, заповеда / нам глаголя: бдите яко не весте дне / ни часа, в он же сын человеческий приидет. / Свидетельствуют о сей Господни заповеди /

вси г-дни …. Ныне же по оной заповеди, / и аз тебе духовному своему сыну сове / тую: Докележе не затворишася твоя / уста, ни связася твой язык, испо / веждь Г.богу вся грехи своя, и не остави / ничтоже не исповедано. Потом запове / ждь о доме своем, и всем имении / и стяжании. Понеже чад насле / дников имения твоего не имееши, а / брат твой Евстафий умом несовершен / и зело препрост, не может быти на / следник именья твоего. Рцы же ми / сыне, кому поручаеши по смерти своей / чюдотворный образ, и обитель Пресвятыя / Б-цы, строение деда твоего болярина / Иоанна. Он же из глубины серца воздох / нув, и слезы от очию своею испустив, / рече к нему. Благодарствую тя, отче святый, / яко попечение имееши о душе моей /

и желаеши дабы в душевном моем хра / нилищи, Скверная не осталося ничтоже, / Еже бы тебе пред богом не исповедав / оставих. Обаче несть отче святый / в дущевном моем хранилищи ничтоже / сокровено, о нем же бы не явих тебе, / свидетельствующу о всем богу. И яже / согреших на убогую мою душу. Живущи / на земли, вся ти исповедах. А о нем / же мя, отче святый вопросил еси, се / заповедаю, и дом Пречистыя б-цы, и чю / дотворный Ея образ, и всю мою вотчину, / и дом и имение, поручаю самой Пречистой / б-це, и тебе, отцу моему духовному препо / добному Паисию. Точию молю тя отче / святый, да будет во святей обители, / твоим тщанием устроено общее / житие. (194*) Таже пригласив Князя Дими / трия Георьгиевичя, и рече ему: благоверный /

Княже, се аз отхожу от жития сего, / воздати слово пред нелицемерным су / диею от всех яже живущи в мире сем / содеях, имею же в вотчине моей оби / тель Пресвятыя Б-цы, ею же поручаю со всею / моею вотчиною, самой Пресвятей Б-це, и / отцу моему духовному, преподобному игумену / Паисию. Тебя же молю о сем, да будет / дом и чюдотворный образ Пресвятыя / Б-цы, и обитель, и вся моя вотчина, / ею же во ону обитель отдах, твоею / державою сохраняема всегда, никим / же обладана и наветуема да не будет. / И по сих умре оный Димитрий Ярцов. / По смерти же Димитриеве, вотчиною его / начаша владети обители Пресвятыя / Б-цы Овиновския, игумен преподобный Паи / сий з братиею. По прошению же Дими / трия Ярцова, преподобный Паисей устрои /

во обители своей общее житие, и / мея себе помощника Князя Димитрия / Георгиевича, и от того времени благодатью / божиею, и милостью Пресвятыя б-цы, и молитвами / преподобнаго Паисия, во обители оной / общее житие непременно пребывает / даже до сего дне. /